ALIPIN NG PAG-IBIG

mahirap magmahal ng taong hindi mo pinangarap

sa oras at panahon, palagi nalang salat

kahit na madalas alam niya ang linalaman ng isip

sa panahon na pinapangarap di mabatid ang damdamin

kay sakit magtiis ng paulit-ulit

tila kwerdas sa leeg na unti-unting humihigpit

ipit na tinig sa naninikip na lalamunan

marinig pa kaya ang sigaw ng nagdaramdam?

tila dugo na pumapatak unti-unti mula sa pulso,

at mga nag-iinit na sugat na pinakatatago

at ang luhang pumapatak ng paisa-isa

parang kandila ng pag-asang makasama siya...

unti-unting nauupos.

kailangan pa bang magpakasakit at malagutan ng hininga,

maging anghel o espiritu o multong di niya makikita

kung ito'y masakatuparan, hiling kaya'y mapagbigyan

na kahit anu pa mangyari, sa piling mo'y di mawawalan?

kay hirap gawing manhid ang pusong dumaraing

di lang sakit ang nawawala kundi pati paglambing

ang sitwasyon na lalo lamang lumalala

makatatakas pa ba at makakalaya?

ngunit ang bihag na umiibig buong lugod magpapapiit

hangga't naisin pa ng bantay na siya'y makapiling

tuloy ang pagnanasang balang araw masuklian,

sakit at dusa dala ng pag-aasam...

...sa pag-ibig ng panginoong habambuhay pagsisilbihan

at tanging pag-ibig niya ang nais ng lingkod makamtan

sana nga'y ang mapaglarong oras ay bumilis at manatili

sa panahong kahit sa anino man lamang niya ako'y mananatili.